מקור בראשית מ״ג
1 וְהָרָעָ֖ב כָּבֵ֥ד בָּאָֽרֶץ׃
2 וַיְהִ֗י כַּאֲשֶׁ֤ר כִּלּוּ֙ לֶאֱכֹ֣ל אֶת־הַשֶּׁ֔בֶר אֲשֶׁ֥ר הֵבִ֖יאוּ מִמִּצְרָ֑יִם וַיֹּ֤אמֶר אֲלֵיהֶם֙ אֲבִיהֶ֔ם שֻׁ֖בוּ שִׁבְרוּ־לָ֥נוּ מְעַט־אֹֽכֶל׃
3 וַיֹּ֧אמֶר אֵלָ֛יו יְהוּדָ֖ה לֵאמֹ֑ר הָעֵ֣ד הֵעִד֩ בָּ֨נוּ הָאִ֤ישׁ לֵאמֹר֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃
4 אִם־יֶשְׁךָ֛ מְשַׁלֵּ֥חַ אֶת־אָחִ֖ינוּ אִתָּ֑נוּ נֵרְדָ֕ה וְנִשְׁבְּרָ֥ה לְךָ֖ אֹֽכֶל׃
5 וְאִם־אֵינְךָ֥ מְשַׁלֵּ֖חַ לֹ֣א נֵרֵ֑ד כִּֽי־הָאִ֞ישׁ אָמַ֤ר אֵלֵ֙ינוּ֙ לֹֽא־תִרְא֣וּ פָנַ֔י בִּלְתִּ֖י אֲחִיכֶ֥ם אִתְּכֶֽם׃
6 וַיֹּ֙אמֶר֙ יִשְׂרָאֵ֔ל לָמָ֥ה הֲרֵעֹתֶ֖ם לִ֑י לְהַגִּ֣יד לָאִ֔ישׁ הַע֥וֹד לָכֶ֖ם אָֽח׃
7 וַיֹּאמְר֡וּ שָׁא֣וֹל שָֽׁאַל־הָ֠אִ֠ישׁ לָ֣נוּ וּלְמֽוֹלַדְתֵּ֜נוּ לֵאמֹ֗ר הַע֨וֹד אֲבִיכֶ֥ם חַי֙ הֲיֵ֣שׁ לָכֶ֣ם אָ֔ח וַנַּ֨גֶּד־ל֔וֹ עַל־פִּ֖י הַדְּבָרִ֣ים הָאֵ֑לֶּה הֲיָד֣וֹעַ נֵדַ֔ע כִּ֣י יֹאמַ֔ר הוֹרִ֖ידוּ אֶת־אֲחִיכֶֽם׃
8 וַיֹּ֨אמֶר יְהוּדָ֜ה אֶל־יִשְׂרָאֵ֣ל אָבִ֗יו שִׁלְחָ֥ה הַנַּ֛עַר אִתִּ֖י וְנָק֣וּמָה וְנֵלֵ֑כָה וְנִֽחְיֶה֙ וְלֹ֣א נָמ֔וּת גַּם־אֲנַ֥חְנוּ גַם־אַתָּ֖ה גַּם־טַפֵּֽנוּ׃
9 אָֽנֹכִי֙ אֶֽעֶרְבֶ֔נּוּ מִיָּדִ֖י תְּבַקְשֶׁ֑נּוּ אִם־לֹ֨א הֲבִיאֹתִ֤יו אֵלֶ֙יךָ֙ וְהִצַּגְתִּ֣יו לְפָנֶ֔יךָ וְחָטָ֥אתִֽי לְךָ֖ כׇּל־הַיָּמִֽים׃
10 כִּ֖י לוּלֵ֣א הִתְמַהְמָ֑הְנוּ כִּֽי־עַתָּ֥ה שַׁ֖בְנוּ זֶ֥ה פַעֲמָֽיִם׃
11 וַיֹּ֨אמֶר אֲלֵהֶ֜ם יִשְׂרָאֵ֣ל אֲבִיהֶ֗ם אִם־כֵּ֣ן אֵפוֹא֮ זֹ֣את עֲשׂוּ֒ קְח֞וּ מִזִּמְרַ֤ת הָאָ֙רֶץ֙ בִּכְלֵיכֶ֔ם וְהוֹרִ֥ידוּ לָאִ֖ישׁ מִנְחָ֑ה מְעַ֤ט צֳרִי֙ וּמְעַ֣ט דְּבַ֔שׁ נְכֹ֣את וָלֹ֔ט בׇּטְנִ֖ים וּשְׁקֵדִֽים׃
12 וְכֶ֥סֶף מִשְׁנֶ֖ה קְח֣וּ בְיֶדְכֶ֑ם וְאֶת־הַכֶּ֜סֶף הַמּוּשָׁ֨ב בְּפִ֤י אַמְתְּחֹֽתֵיכֶם֙ תָּשִׁ֣יבוּ בְיֶדְכֶ֔ם אוּלַ֥י מִשְׁגֶּ֖ה הֽוּא׃
13 וְאֶת־אֲחִיכֶ֖ם קָ֑חוּ וְק֖וּמוּ שׁ֥וּבוּ אֶל־הָאִֽישׁ׃
14 וְאֵ֣ל שַׁדַּ֗י יִתֵּ֨ן לָכֶ֤ם רַחֲמִים֙ לִפְנֵ֣י הָאִ֔ישׁ וְשִׁלַּ֥ח לָכֶ֛ם אֶת־אֲחִיכֶ֥ם אַחֵ֖ר וְאֶת־בִּנְיָמִ֑ין וַאֲנִ֕י כַּאֲשֶׁ֥ר שָׁכֹ֖לְתִּי שָׁכָֽלְתִּי׃
15 וַיִּקְח֤וּ הָֽאֲנָשִׁים֙ אֶת־הַמִּנְחָ֣ה הַזֹּ֔את וּמִשְׁנֶה־כֶּ֛סֶף לָקְח֥וּ בְיָדָ֖ם וְאֶת־בִּנְיָמִ֑ן וַיָּקֻ֙מוּ֙ וַיֵּרְד֣וּ מִצְרַ֔יִם וַיַּֽעַמְד֖וּ לִפְנֵ֥י יוֹסֵֽף׃
16 וַיַּ֨רְא יוֹסֵ֣ף אִתָּם֮ אֶת־בִּנְיָמִין֒ וַיֹּ֙אמֶר֙ לַֽאֲשֶׁ֣ר עַל־בֵּית֔וֹ הָבֵ֥א אֶת־הָאֲנָשִׁ֖ים הַבָּ֑יְתָה וּטְבֹ֤חַ טֶ֙בַח֙ וְהָכֵ֔ן כִּ֥י אִתִּ֛י יֹאכְל֥וּ הָאֲנָשִׁ֖ים בַּֽצׇּהֳרָֽיִם׃
17 וַיַּ֣עַשׂ הָאִ֔ישׁ כַּֽאֲשֶׁ֖ר אָמַ֣ר יוֹסֵ֑ף וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֥יתָה יוֹסֵֽף׃
18 וַיִּֽירְא֣וּ הָֽאֲנָשִׁ֗ים כִּ֣י הֽוּבְאוּ֮ בֵּ֣ית יוֹסֵף֒ וַיֹּאמְר֗וּ עַל־דְּבַ֤ר הַכֶּ֙סֶף֙ הַשָּׁ֤ב בְּאַמְתְּחֹתֵ֙ינוּ֙ בַּתְּחִלָּ֔ה אֲנַ֖חְנוּ מֽוּבָאִ֑ים לְהִתְגֹּלֵ֤ל עָלֵ֙ינוּ֙ וּלְהִתְנַפֵּ֣ל עָלֵ֔ינוּ וְלָקַ֧חַת אֹתָ֛נוּ לַעֲבָדִ֖ים וְאֶת־חֲמֹרֵֽינוּ׃
19 וַֽיִּגְּשׁוּ֙ אֶל־הָאִ֔ישׁ אֲשֶׁ֖ר עַל־בֵּ֣ית יוֹסֵ֑ף וַיְדַבְּר֥וּ אֵלָ֖יו פֶּ֥תַח הַבָּֽיִת׃
20 וַיֹּאמְר֖וּ בִּ֣י אֲדֹנִ֑י יָרֹ֥ד יָרַ֛דְנוּ בַּתְּחִלָּ֖ה לִשְׁבׇּר־אֹֽכֶל׃
21 וַיְהִ֞י כִּי־בָ֣אנוּ אֶל־הַמָּל֗וֹן וַֽנִּפְתְּחָה֙ אֶת־אַמְתְּחֹתֵ֔ינוּ וְהִנֵּ֤ה כֶֽסֶף־אִישׁ֙ בְּפִ֣י אַמְתַּחְתּ֔וֹ כַּסְפֵּ֖נוּ בְּמִשְׁקָל֑וֹ וַנָּ֥שֶׁב אֹת֖וֹ בְּיָדֵֽנוּ׃
22 וְכֶ֧סֶף אַחֵ֛ר הוֹרַ֥דְנוּ בְיָדֵ֖נוּ לִשְׁבׇּר־אֹ֑כֶל לֹ֣א יָדַ֔עְנוּ מִי־שָׂ֥ם כַּסְפֵּ֖נוּ בְּאַמְתְּחֹתֵֽינוּ׃
23 וַיֹּ֩אמֶר֩ שָׁל֨וֹם לָכֶ֜ם אַל־תִּירָ֗אוּ אֱלֹ֨הֵיכֶ֜ם וֵֽאלֹהֵ֤י אֲבִיכֶם֙ נָתַ֨ן לָכֶ֤ם מַטְמוֹן֙ בְּאַמְתְּחֹ֣תֵיכֶ֔ם כַּסְפְּכֶ֖ם בָּ֣א אֵלָ֑י וַיּוֹצֵ֥א אֲלֵהֶ֖ם אֶת־שִׁמְעֽוֹן׃
24 וַיָּבֵ֥א הָאִ֛ישׁ אֶת־הָאֲנָשִׁ֖ים בֵּ֣יתָה יוֹסֵ֑ף וַיִּתֶּן־מַ֙יִם֙ וַיִּרְחֲצ֣וּ רַגְלֵיהֶ֔ם וַיִּתֵּ֥ן מִסְפּ֖וֹא לַחֲמֹֽרֵיהֶֽם׃
25 וַיָּכִ֙ינוּ֙ אֶת־הַמִּנְחָ֔ה עַד־בּ֥וֹא יוֹסֵ֖ף בַּֽצׇּהֳרָ֑יִם כִּ֣י שָֽׁמְע֔וּ כִּי־שָׁ֖ם יֹ֥אכְלוּ לָֽחֶם׃
26 וַיָּבֹ֤א יוֹסֵף֙ הַבַּ֔יְתָה וַיָּבִ֥יאּוּ ל֛וֹ אֶת־הַמִּנְחָ֥ה אֲשֶׁר־בְּיָדָ֖ם הַבָּ֑יְתָה וַיִּשְׁתַּחֲווּ־ל֖וֹ אָֽרְצָה׃
27 וַיִּשְׁאַ֤ל לָהֶם֙ לְשָׁל֔וֹם וַיֹּ֗אמֶר הֲשָׁל֛וֹם אֲבִיכֶ֥ם הַזָּקֵ֖ן אֲשֶׁ֣ר אֲמַרְתֶּ֑ם הַעוֹדֶ֖נּוּ חָֽי׃
28 וַיֹּאמְר֗וּ שָׁל֛וֹם לְעַבְדְּךָ֥ לְאָבִ֖ינוּ עוֹדֶ֣נּוּ חָ֑י וַֽיִּקְּד֖וּ וישתחו וַיִּֽשְׁתַּחֲוֽוּ׃
29 וַיִּשָּׂ֣א עֵינָ֗יו וַיַּ֞רְא אֶת־בִּנְיָמִ֣ין אָחִיו֮ בֶּן־אִמּוֹ֒ וַיֹּ֗אמֶר הֲזֶה֙ אֲחִיכֶ֣ם הַקָּטֹ֔ן אֲשֶׁ֥ר אֲמַרְתֶּ֖ם אֵלָ֑י וַיֹּאמַ֕ר אֱלֹהִ֥ים יׇחְנְךָ֖ בְּנִֽי׃
30 וַיְמַהֵ֣ר יוֹסֵ֗ף כִּֽי־נִכְמְר֤וּ רַחֲמָיו֙ אֶל־אָחִ֔יו וַיְבַקֵּ֖שׁ לִבְכּ֑וֹת וַיָּבֹ֥א הַחַ֖דְרָה וַיֵּ֥בְךְּ שָֽׁמָּה׃
31 וַיִּרְחַ֥ץ פָּנָ֖יו וַיֵּצֵ֑א וַיִּ֨תְאַפַּ֔ק וַיֹּ֖אמֶר שִׂ֥ימוּ לָֽחֶם׃
32 וַיָּשִׂ֥ימוּ ל֛וֹ לְבַדּ֖וֹ וְלָהֶ֣ם לְבַדָּ֑ם וְלַמִּצְרִ֞ים הָאֹכְלִ֤ים אִתּוֹ֙ לְבַדָּ֔ם כִּי֩ לֹ֨א יוּכְל֜וּן הַמִּצְרִ֗ים לֶאֱכֹ֤ל אֶת־הָֽעִבְרִים֙ לֶ֔חֶם כִּי־תוֹעֵבָ֥ה הִ֖וא לְמִצְרָֽיִם׃
33 וַיֵּשְׁב֣וּ לְפָנָ֔יו הַבְּכֹר֙ כִּבְכֹ֣רָת֔וֹ וְהַצָּעִ֖יר כִּצְעִרָת֑וֹ וַיִּתְמְה֥וּ הָאֲנָשִׁ֖ים אִ֥ישׁ אֶל־רֵעֵֽהוּ׃
34 וַיִּשָּׂ֨א מַשְׂאֹ֜ת מֵאֵ֣ת פָּנָיו֮ אֲלֵהֶם֒ וַתֵּ֜רֶב מַשְׂאַ֧ת בִּנְיָמִ֛ן מִמַּשְׂאֹ֥ת כֻּלָּ֖ם חָמֵ֣שׁ יָד֑וֹת וַיִּשְׁתּ֥וּ וַֽיִּשְׁכְּר֖וּ עִמּֽוֹ׃
פירוש רד"ק על בראשית מ״ג
1 וְהָרָעָב כָּבֵד. אָמַר לָהֶם יְהוּדָה לְאֶחָיו הַנִּיחוּ לַזָּקֵן עַד שֶׁתִּכְלֶה הַתְּבוּאָה מִן הַבַּיִת, כִּי אָז יִתְרַצֶּה לָנוּ לִשְׁלֹחַ בְּנוֹ.
2 הָעֵד הֵעִד. עִנְיַן הַתְרָאָה, לְפִי שֶׁאָדָם מַתְרֶה אֶת חֲבֵרוֹ בִּפְנֵי עֵדִים יֹאמְרוּ הַתְרָאָה בִּלְשׁוֹן הָעֵדָה. וְכָל הַדְּבָרִים הָאֵלֶּה מְבֹאָרִים.
3 גַּם־אֲנַחְנוּ גַם־אַתָּה. כָּל אֶחָד לְרַבּוֹת עַל חֲבֵרוֹ, כֵּן הוּא דֶּרֶךְ הַלָּשׁוֹן. אָמַר לוֹ שֶׁיֵּלֵךְ אֶחָד בְּסָפֵק וְלֹא נָמוּת כֻּלָּנוּ בָּרָעָב, וְעַל כָּל זֶה אָנֹכִי אֶעֶרְבֶנּוּ.
4 וְחָטָאתִי. אֶחֱשֹׂב עַצְמִי לְפָנֶיךָ כְּחוֹטֵא וּמְנֻדֶּה כָּל הַיָּמִים. וּמִכָּאן לָמְדוּ רַבּוֹתֵינוּ זִכְרוֹנָם לִבְרָכָה מכות יא: מְנֻדֶּה עַל תְּנַאי אֲפִלּוּ מֵעַצְמוֹ צָרִיךְ הֲפָרָה, מְנָלַן? מִיהוּדָה דִּכְתִיב אִם לֹא הֲבִיאֹתִיו וְגוֹ׳. וְכָל אַרְבָּעִים שָׁנָה הָיוּ עַצְמוֹתָיו מְגֻלְגָּלִים בָּאָרוֹן בַּעֲוֹן זֶה עַד שֶׁבִּקֵּשׁ מֹשֶׁה עֲלֵיהֶם רַחֲמִים, דִּכְתִיב ״וְזֹאת לִיהוּדָה״ דברים לג:ז.
5 אִם כֵּן אֵפוֹא. שֶׁלֹּא אוּכַל לְעַכְּבוֹ עַתָּה.
6 זֹאת עֲשׂוּ. לְכַפֵּר פְּנֵי אֲדֹנֵי הָאָרֶץ.
7 מִזִּמְרַת הָאָרֶץ. מֵהַדְּבָרִים הַמְשַׁבְּחִים אֶת הָאָרֶץ.
8 מְעַט צֳרִי וּמְעַט דְּבַשׁ. הַצֳּרִי וְהַדְּבַשׁ הָיוּ מוֹצִיאִין מֵאֶרֶץ יִשְׂרָאֵל לִשְׁאָר אֲרָצוֹת, כְּמוֹ שֶׁנֶּאֱמַר בְּפָרָשַׁת צוֹר: ״יְהוּדָה וְאֶרֶץ יִשְׂרָאֵל הֵמָּה רֹכְלַיִךְ בְּחִטֵּי מִנִּית וּפַנַּג וּדְבַשׁ וָשֶׁמֶן וָצֹרִי״ יחזקאל כז:יז, וְצֳרִי הוּא הַנִּקְרָא בַּלְסָמָא.
9 נְכֹאת. פֵּרְשׁוּ בְּבְרֵאשִׁית רַבָּה צא, יא שַׁעֲוָה. וְלֹט, מַסְטוֹכִי. וּפֵרְשׁוּ דְּבַשׁ בָּרִיא כָּאֶבֶן. וְהַגָּאוֹן ר׳ סַעַדְיָה פֵּרַשׁ צֳרִי טְרִיאַקִי. נְכֹאת, כְּרִיב, וְלֹט שִׁיךְ בָּלוֹט, וְהוּא הַנִּקְרָא עַרְמוֹן.
10 בָּטְנִים. הֵם הַנִּקְרָאִים צְנוֹבָר, וּבַעֲרָבִי פַּצְיוֹלַשׁ בְּלַעַ״ז.
11 וּשְׁקֵדִים. יָדוּעַ. וּבְבְּרֵאשִׁית רַבָּה צא:יא ״מֶשַׁח דְּלוּזִים, מֶשַׁח דְּבָטִים״, וְהַשְּׁקֵדִים נִקְרָאִים לַאוּן בַּעֲרָבִי.
12 וְכֶסֶף מִשְׁנֶה. וְכֶסֶף שֵׁנִי, וְכֵן ״מִשְׁנֶה שִׁבָּרוֹן״ ירמיהו יז:יח, שִׁבָּרוֹן שֵׁנִי, כִּי הוּא סֶגוֹ״ל.
13 אוּלַי מִשְׁגֶּה הוּא. אוּלַי מוֹכְרֵי הַתְּבוּאָה הִנִּיחוּ צְרוֹרוֹת כַּסְפֵּיהֶם בַּתְּבוּאָה לְפִי שָׁעָה, וּכְשֶׁמָּדְדוּ בַּמִּדָּה הָיָה הַכֶּסֶף בְּתוֹךְ הַתְּבוּאָה וְנִכְנַס בַּמִּדָּה וּבַשַּׂק עִמָּהּ, וּכְשֶׁתַּחֲזִירוּהוּ יַחֲזִיקוּ אֶתְכֶם כְּנֶאֱמָנִים וְיִיטַב לָכֶם.
14 וְשִׁלַּח. יְשַׁלְּחֶנּוּ מִמַּאֲסָרוֹ.
15 כַּאֲשֶׁר שָׁכֹלְתִּי שָׁכָלְתִּי. לְפִי שֶׁכָּפַל הָעִנְיָן שִׁנָּה הַמִּלּוֹת כַּמִּנְהָג, הָרִאשׁוֹן לְגִזְרַת פָּעוּל וְהַשֵּׁנִי לְגִזְרַת פָּעַל, וְאָמַר: וַאֲנִי מָה אוּכַל לַעֲשׂוֹת אִם יִקְרֶה מִקְרֶה בְּאֶחָד מִכֶּם כַּאֲשֶׁר שָׁכֹלְתִּי מִיּוֹסֵף, שָׁכַלְתִּי מֵאֶחָד מִכֶּם שֶׁיִּקְרֶה בּוֹ מִקְרֶה.
16 וַיַּעַמְדוּ לִפְנֵי יוֹסֵף. שֶׁמְּצָאוּהוּ בַּשּׁוּק לְפִי דַרְכָּם שֶׁהָיוּ הוֹלְכִים לְבֵית מְלוֹנָם, וְהוּא לֹא שָׁאַל לָהֶם לְשָׁלוֹם בַּשּׁוּק עַד שֶׁיִּהְיוּ בְּבֵיתוֹ. וְכֵיוָן שֶׁרָאָה אוֹתָם אָמַר לַאֲשֶׁר עַל בֵּיתוֹ לַהֲבִיאָם אֶל בֵּיתוֹ.
17 בַּצָּהֳרָיִם. בַּחֲצִי הַיּוֹם שֶׁהוּא עֵת אֲכִילַת הַשָּׂרִים וְהַשּׁוֹפְטִים שֶׁיִּתְעַסְּקוּ בְּצָרְכֵי הָעִיר, כְּמוֹ שֶׁאָמַר ״וְשָׂרַיִךְ בָּעֵת יֹאכֵלוּ״ קהלת י:יז, וְיוֹסֵף הָיָה תַּחַת יָדוֹ כָּל דִּבְרֵי הָאָרֶץ.
18 לְהִתְגֹּלֵל עָלֵינוּ. עֲלִילוֹת וְגִלְגּוּלִים, לֵאמֹר שֶׁאֲנַחְנוּ לָקַחְנוּ הַכֶּסֶף, וְיִרְצֶה לְהִתְנַפֵּל עָלֵינוּ, כִּי מִתְּחִלָּה דִּבֶּר אִתָּנוּ קָשׁוֹת, וְעַתָּה רוֹצֶה לָבֹא עָלֵינוּ בְּתַחְבּוּלָה כְּדֵי שֶׁיִּקַּח אוֹתָנוּ לַעֲבָדִים כְּמִשְׁפַּט גַּנָּבִים, וְלָקַחַת אֶת חֲמֹרֵינוּ וְאֶת אֲשֶׁר יֶשׁ לָנוּ פֹּה, כִּי לוּלֵי זֶה לָמָּה הֵבִיא אוֹתָנוּ בְּבֵיתוֹ.
19 פֶּתַח הַבָּיִת. כְּדֵי שֶׁלֹּא יִשְׁמְעוּ אַנְשֵׁי הַבַּיִת.
20 בִּי אֲדֹנִי. עִנְיַן בַּקָּשָׁה וְתַחֲנָה, וְאָמְרוּ לוֹ הַדְּבָרִים כַּאֲשֶׁר הָיָה.
21 מַטְמוֹן. אִם מְצָאתֶם כֶּסֶף, בִּרְכַּת הָאֵל הִיא שֶׁנָּתַן לָכֶם כְּאָדָם שֶׁמּוֹצֵא מַטְמוֹן, אֲבָל כַּסְפְּכֶם בָּא אֵלָי, אַל תִּירְאוּ מִזֶּה.
22 וַיּוֹצֵא. צִוָּה שֶׁיּוֹצִיאוּהוּ מִן הַמִּשְׁמָר וּלְהָבִיאוֹ אֲלֵיהֶם מִיָּד לְחַזֵּק לִבָּם וּלְנַחֲמָם.
23 וַיָּבֵא. הִכְנִיסָם לַבַּיִת מִפֶּתַח הַבַּיִת שֶׁדִּבְּרוּ עִמּוֹ שָׁם.
24 וַיָּכִינוּ. סִדְּרוּ אֶת הַמִּנְחָה כְּדֵי שֶׁיְּבִיאוּהוּ לְפָנָיו דֶּרֶךְ כָּבוֹד כְּשֶׁיָּבוֹא לַבַּיִת.
25 כִּי שָׁמְעוּ. מֵאֲשֶׁר עַל הַבַּיִת, גַּם מֵאַנְשֵׁי הַבַּיִת שֶׁהָיוּ מְכִינִים הַסְּעוּדָה.
26 לָחֶם. כְּלָל לְכָל מַאֲכָל.
27 וַיָּבִיאוּ. הָאָלֶ״ף דְּגוּשָׁה.
28 הַבָּיְתָה. בְּאוֹתוֹ בַּיִת שֶׁהָיָה הוּא שָׁם, כִּי גַּם הֵם הָיוּ בַּבַּיִת, אֶלָּא שֶׁבְּבֵית אָדָם גָּדוֹל הַרְבֵּה בָּתִּים שָׁם, וְהֵם הָיוּ בַּבַּיִת הַחִיצוֹן וְהוּא הָיָה בַּבַּיִת הַפְּנִימִי בְּהֵיכָלוֹ.
29 וַיִּקְּדוּ וַיִּשְׁתַּחֲווּ. לְשֵׁם אֲבִיהֶם הִשְׁתַּחֲווּ לוֹ.
30 וַיִּשָּׂא עֵינָיו. כִּי הָיוּ בְּעִרְבּוּבְיָא לְפָנָיו וְנָשָׂא עֵינָיו אֶל בִּנְיָמִין.
31 יָחְנְךָ. מִשְׁפָּטוֹ עַל הַמִּנְהָג יְחָנְּךָ בְּדַגְּשׁוּת הַנּוּ״ן, לְחֶסְרוֹן נוּ״ן הַכֶּפֶל, וְהֵקַלּוּ הַמִּלָּה כְּמוֹ שֶׁהֵקַלּוּ רַבִּים מִפָּעֳלֵי הַכֶּפֶל, וְהוּטְלָה תְּנוּעַת הַחֵי״ת עַל הַיוּ״ד. וְכֵן בָּא כָּמוֹהוּ ״חָנוּן יָחְנְךָ״ ישעיה ל:יט.
32 נִכְמְרוּ. כְּתַרְגּוּמוֹ.
33 וַיִּתְאַפַּק. הִתְחַזֵּק בְּעַצְמוֹ מִלִּבְכּוֹת עוֹד.
34 וַיָּשִׂימוּ לוֹ לְבַדּוֹ. דֶּרֶךְ גְּדֻלָּה וְכָבוֹד כְּמִנְהָגוֹ.
35 וְלָהֶם לְבַדָּם... וְלַמִּצְרִים לְבַדָּם.
36 אָמַר הַטַּעַם כִּי לֹא יוּכְלוּן. כִּי הָעִבְרִים הָיוּ אוֹכְלִים בָּשָׂר, כְּמוֹ שֶׁאָמַר ״וּטְבֹחַ טֶבַח״ בראשית מג:טז, וְהַמִּצְרִים לֹא הָיוּ אוֹכְלִים. וּמַה שֶּׁהָיוּ מְגַדְּלִין הַצֹּאן, לְחָלָב וּלְגִזָּה. וְאָמְרוּ שֶׁהָיוּ עוֹבְדִים מַזַּל טָלֶה, לְפִיכָךְ לֹא הָיוּ אוֹכְלִים שׁוּם בְּשַׂר בְּהֵמָה.
37 וַיֵּשְׁבוּ לְפָנָיו. כְּמוֹ שֶׁצִּוָּה הוּא לְהוֹשִׁיבָם.
38 הַבְּכֹר כִּבְכֹרָתוֹ... וַיִּתְמְהוּ. כִּי אֵיךְ הָיָה מַכִּיר אֲנָשִׁים שֶׁנּוֹלְדוּ כֻּלָּם כְּשֶׁבַע שָׁנִים מִי גָּדוֹל מֵחֲבֵרוֹ, וְזֶה הָיָה תָּמוּהַּ בְּעֵינֵיהֶם. וּבִבְרֵאשִׁית רַבָּה צב:ה נָטַל הַגָּבִיעַ וְעָשָׂה עַצְמוֹ כִּמְרִיחַ וְאָמַר: יְהוּדָה שֶׁהוּא מֶלֶךְ יֵשֵׁב בָּרֹאשׁ, רְאוּבֵן שֶׁהוּא בְּכוֹר שֵׁנִי לוֹ וְכֵן כֻּלָּם, וְאָמַר: בִּנְיָמִין לֵית לֵיהּ אִמָּא וַאֲנָא לֵית לִי אִמָּא לֵישֵׁב גַּבָּאי, לְפִיכָךְ וַיִּתְמְהוּ הָאֲנָשִׁים.
39 וַיִּשָּׂא. הַנּוֹשֵׂא, וְכֵן ״וַיֻּגַּד לְיַעֲקֹב״ בראשית מח:ב – הַמַּגִּיד. וְכָל זֶה הַקֵּרוּב שֶׁקֵּרְבָם וְשֶׁכִּבְּדָם חָשְׁבוּ הֵם כִּי הָיָה עוֹשֶׂה חֵלֶף מַה שֶּׁהִקְנִיטָם וְצִעֲרָם, וּבִנְיָמִין הָיָה מְחַבֵּב יוֹתֵר לְפִי שֶׁהֱבִיאוֹ מֵאַרְצוֹ וְהִפְרִידוֹ מֵאָבִיו לְלֹא דָבָר, וְהָיָה מֵפִיס דַּעְתּוֹ בָּזֶה.